Համաձայն «Տեղական ինքնակառավարման մասին» օրենքի 11-րդ հոդվածի 1-ին մասի, ինչպես նաև հիմք ընդունելով ՀՀ կառավարության 2006 թվականի նոյեմբերի 16-ի թիվ 1708-Ն որոշմամբ սահմանված՝ ՀՀ պետական տարեկան բյուջեներով նախատեսված սուբվենցիաներից բացի ՀՀ տնտեսական և սոցիալական ենթակառուցվածքների զարգացմանն ուղղված հայտերի մշակման, ներկայացման, քննարկման և հաստատման կարգի պահանջները, տեղեկացնում ենք, որ 2026 թվականի փետրվարի 23-ին, ժամը 15:00-ին, Քաջարանի համայնքապետարանի նիստերի դահլիճում (հասցե՝ Լեռնագործների փողոց, շենք 4) կկայանան 2026 թվականի սուբվենցիոն ծրագրերի վերաբերյալ հանրային լսումներ։

Հանրային լսումներին կարող են մասնակցել բոլոր շահագրգիռ ֆիզիկական և իրավաբանական անձինք։

 Համառոտ նկարագրությանը կարող եք ծանոթանալ Քաջարանի համայնքապետարանի պաշտոնական կայքում՝ www.kajaran.am, ինչպես նաև այցելելով Քաջարանի համայնքապետարան (առաջին հարկ, սենյակ 111)։