Քաջարանի համայնքապետարանի կողմից 27 դեկտեմբերի 2024 թվականին հայտարարվել էր N ՔՀ-ԲՄԱՇՁԲ-25/01 ծածկագրով Քաջարան համայնքի Շիրվանզադե փողոցին հարակից մոտ 4500 ք․մ․ ընդհանուր մակերեսով զբոսայգու բարեկարգման աշխատանքների կատարման գնման ընթացակարգ։ Ընթացակարգին հայտ էր ներկայացրել մեկ մասնակից ՝ «Աժդանակ» ՍՊ ընկերությունը։ Ներկայացված հայտերի՝ օրենքով սահմանված կարգով գնահատման արդյունքում մրցույթի գնահատող հանձնաժողովը «Աժդանակ» ՍՊ ընկերության ներկայացրած հայտի գնային և ոչ գնային պայմանները գնահատել է բավարար, և ընթացակարգի արդյունքում Քաջարանի համայնքապետարանի և «Աժդանակ» ՍՊ ընկերության միջև 04 մարտի 2025 թվականին կնքվել է N ՔՀ-ԲՄԱՇՁԲ-25/01-04 ծածկագրով գնման պայմանագիր։
Սույն թվականի մարտի 11-ին Քաջարանի համայնքապետարանի կողմից հայտարարվել է ՔՀ-ԳՀԱՇՁԲ-25/04 ծածկագրով Քաջարանի համայնքապետարանի կարիքների համար Քաջարան քաղաքի փողոցների և բակերի բարեկարգման և հիմնանորոգման աշխատանքների ձեռքբերման գնման ընթացակարգ։ Ընթացակարգին հայտ է ներկայացրել մեկ մասնակից՝ «Արտտիգ» և «Աժդանակ» ՍՊ ընկերությունների կոնսորցիումը։ Ներկայացված հայտերի՝ օրենքով սահմանված կարգով գնահատման արդյունքում մրցույթի գնահատող հանձնաժողովը «Արտտիգ» և «Աժդանակ» ՍՊ ընկերությունների կոնսորցիումի ներկայացրած հայտի գնային և ոչ գնային պայմանները գնահատել է բավարար,և արդյունքում «Արտտիգ» և «Աժդանակ» ՍՊ ընկերությունների կոնսորցիումը հայտարարվել է ընտրված մասնակից։
Համաձայն «Հանրային ծառայության մասին» ՀՀ օրենքի 33-րդ հոդվածի 7-րդ մասով սահմանված պահանջների՝ որպես պատվիրատուի ղեկավար հայտարարում եմ, որ վերոնշյալ երկու ընթացակարգերում որպես ընտրված մասնակից հայտարարված «Աժդանակ» ՍՊ ընկերության իրական շահառու է հանդիսանում ինձ հետ փոխկապակցված անձը և հանդես եմ գալիս շահերի բախման իրավիճակի առաջացման վերաբերյալ հրապարակային հայտարարությամբ։