Քննելով ՀՀ Սյունիքի մարզի   Քաջարան համայնքի  Ձագիկավան գյուղական բնակավայրում Արման Ռուբենի Ազարյանի կողմից կատարված վարչական իրավախախտման վերաբերյալ՝ Քաջարանի    համայնքապետարանի աշխատակազմի  քաղաքաշինության հողի վերահսկողության,կոմունալ տնտեսության, տրանսպորտի  և համատիրությունների աշխատանքների համակարգման բաժնի պետի  կողմից 2026թվականի սեպտեմբերի 02-ին ներկայացված նյութերը,

ՊԱՐԶԵՑԻ

  Վարչական իրավախախտում կատարած Արման Ազարյան ՀՀ Սյունիքի մարզի   Քաջարան համայնքի  Ձագիկավան  1-ին թաղամաս թիվ 5  հասցեում գտվող  իր սեփականությունը հանդիսացող /սեփականության իրավունքի գրանցման վկայական 03062026-09-0004/  0,024հա հողամասում առանց համապատասխան թույլտվության իրականացրել է քանդման /ապամոնտաժման/ աշխատանքներ, այսինքն կատարել է արարք, որն առաջացնում է պատասխանատվություն նախատեսված վարչական իրավախախտումների վերաբերյալ ՀՀ օրենսգրքի 154-րդ հոդվածի 2-րդ մասով: 
Համաձայն Վարչական իրավախախտումների վերաբերյալ օրենսգրքի 154-րդ հոդվածի 2-րդ մասի, 219.1-ին, 275-283-րդ, 286-288-րդ, 298-րդ, 302-րդ և 305-րդ հոդվածների, «Տեղական ինքնակառավարման մասին» օրենքի 35-րդ հոդվածի 1-ին մասի 26-րդ կետի, «Վարչարարության հիմունքների և վարչական վարույթի մասին» օրենքի 30-րդ հոդվածի 1-ին մասի «բ» կետի, 53-րդ հոդվածի,

ՈՐՈՇԵՑԻ

1. Գյուղական բնակավայրում սեփականության իրավունքով Արման Ազարյանին պատկանող հողամասում՝ առանց թույլտվության շինություններ քանդելու/ապամոնտաժելու/ համար սեփականատեր ԱՐՄԱՆ ԱԶԱՐՅԱՆԻ   նկատմամբ Վարչական իրավախախտումների վերաբերյալ օրենսգրքի 154-րդ հոդվածի 2-րդ մասի հատկանիշներով նշանակել վարչական տուգանք՝ 100 000 (հարյուր հազար)  ՀՀ դրամի չափով:
2. Արման Ազարյանը  պարտավոր է սույն որոշումն իրեն հանձնելու օրվանից 15-օրյա ժամկետում նշանակված տուգանքի գումարը մուծել Քաջարանի համայնքապետարանի 900315202151հաշվեհամարին:
3. Սույն որոշումը կարող է բողոքարկվել կամ վարչական կարգով Քաջարան  համայնքի ղեկավարին՝ այն սահմանված կարգով հանձնելու (հանձնված համարվելու) օրվանից հետո՝ երեսուն օրվա ընթացքում կամ Հայաստանի Հանրապետության վարչական դատավարության օրենսգրքով սահմանված դատական կարգով՝ վարչական ակտի ուժի մեջ մտնելու պահից  երկամսյա ժամկետում։
4. Սույն որոշման պահանջները չկատարելու դեպքում այն ենթակա է հարկադիր կատարման՝ որոշումն անբողոքարկելի դառնալուց հետո՝ երեք ամսվա ընթացքում:
5. Սույն որոշումն ուժի մեջ է մտնում Արման Ազարյանին որոշման ընդունման մասին իրազեկելու օրվան հաջորդող օրվանից։