Ղեկավարվելով «Տեղական ինքնակառավարման» մասին Հայաստանի Հանրապետության օրենքի 18-րդ հոդվածի 1-ին մասի  21-րդ կետով, «Նորմատիվ իրավական ակտերի մասին» Հայաստանի հանրապետության օրենքի 35-րդ և 36-րդ հոդվածների դրույթներով, Հայաստանի Հանրապետության Քաղաքացիական օրենսգրքի 606-րդ հոդվածով, հաշվի առնելով  անհատ ձեռնարկատեր Արմինա Վահրամի Մուրադյանի դիմումը և համայնքի ղեկավարի  առաջարկությունը,  Քաջարան համայնքի ավագանին որոշում է․

1.Քաջարան համայնքի սեփականություն հանդիսացող գույքը՝ ՀՀ Սյունիքի մարզի Քաջարան համայնքի Քաջարան քաղաքի Ա․ Բակունցի փ․ 5ա հասցեում գտնվող հանդիսությունների սրահը 5 (հինգ) տարի ժամկետով, ամսական 154000 (մեկ հարյուր հիսունչորս հազար) ՀՀ դրամ վարձավճարով, վարձակալության իրավունքով օգտագործման տրամադրել Ա/Ձ Արմինա Վահրամի Մուրադյանին՝ հանգստի, հիշատակի, տոնական և հանդիսավոր միջոցառումներ կազմակերպելու նպատակով։ 

2.Վարձավճարը ենթակա է վճարման յուրաքանչյուր հաշվետու տարվա պայմանագրի կնքման օրվանից սկսած մինչև տասնհինգերորդ օրը: Սահմանված ժամկետում վճարումներ չկատարելու դեպքում կետանցի յուրաքանչյուր օրվա համար սահմանել տույժ՝ տարեկան վճարի գումարի 0.05 տոկոսի չափով: 

3.Ուժը կորցրած ճանաչել Քաջարան համայնքի ավագանու 11․03․2025 թվականի N20-Ա որոշումը։

4. Համայնքապետարանի աշխատակազմի քարտուղարին՝ ապահովել սույն որոշումից բխող անհրաժեշտ գործառույթների իրականացումը:

5. Սույն որոշումն ուժի մեջ է մտնում Ա/Ձ Արմինա Վահրամի Մուրադյանին որոշման ընդունման մասին իրազեկելու օրվան հաջորդող օրվանից։