Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 21)-րդ կետով, 80-րդ հոդվածի 2-րդ մասով, <<Անշարժ գույքի հարկով հարկման նպատակով անշարժ գույքի շուկայական արժեքին մոտարկված  կադաստրային գնահատման կարգը սահմանելու մասին>> ՀՀ օրենքով,  համաձայն Հայաստանի Հանրապետության Հողային օրենսգրքի 67-րդ հոդվածի, ՀՀ կառավարության 2001 թվականի ապրիլի 12-ի թիվ 286-Ն, 2020 թվականի հունիսի 04-ի թիվ 1023-Ն որոշումների և  հաշվի առնելով Քաջարան  համայնքի ղեկավարի  առաջարկությունը, Հայաստանի Հանրապետության  Սյունիքի մարզի  Քաջարան համայնքի  ավագանին որոշում է՝

1. Համաձայնություն տալ համայնքի ղեկավարի առաջարկությանը և Քաջարան համայնքի վարչական տարածքում գտնվող հետևյալ հողամասերը հրապարակային սակարկություններով /աճուրդով/ օտարել`

ա/ ԼՕՏ 1․ ՀՀ Սյունիքի մարզի Քաջարան համայնքի գյուղ Կավճուտ,  2-րդ թաղամաս  25/2 հասցեում գտնվող Քաջարան համայնքի սեփականություն հանդիսացող 0,07675 հա բնակավայրերի նշանակության խառը կառուցապատման հողամասը՝ բնակելի տուն կառուցելու նպատակով, մեկնարկային գին սահմանելով 213000 /երկու հարյուր տասներեք հազար/ ՀՀ դրամ։

բ/ ԼՕՏ 2․ ՀՀ Սյունիքի մարզի Քաջարան համայնքի գյուղ Կավճուտ,  2-րդ թաղամաս  25/3 հասցեում գտնվող Քաջարան համայնքի սեփականություն հանդիսացող 0,0414 հա բնակավայրերի նշանակության խառը կառուցապատման հողամասը՝ բնակելի տուն կառուցելու նպատակով, մեկնարկային գին սահմանելով 115000 /մեկ հարյուր տասնհինգ հազար/ ՀՀ դրամ։

գ/ ԼՕՏ 3․ ՀՀ Սյունիքի մարզի Քաջարան համայնքի գյուղ Աջաբաջ,  3-րդ փողոց  33 հասցեում գտնվող Քաջարան համայնքի սեփականություն հանդիսացող 0,19333 հա բնակավայրերի նշանակության բնակելի կառուցապատման հողամասը՝ բնակելի տուն կառուցելու նպատակով, մեկնարկային գին սահմանելով 536000 /հինգ հարյուր երեսունվեց հազար/ ՀՀ դրամ։

2․Սույն որոշման 1-ին կետով սահմանված հողամասերի օտարման պայմանագրում ամրագրել Քաջարան համայնքի՝ նշված հողամասերի առաջնային հետգնման իրավունքը և ծրագրի իրականացման ժամկետ սահմանել 2 /երկու/ տարի: 

3․Սույն որոշումից բխող գործառույթներն իրականացնել օրենսդրությամբ սահմանված կարգով։