Ղեկավարվելով <<Տեղական ինքնակառավարման մասին>> Հայաստանի Հանրապետության օրենքի 18-րդ հոդվածի 1-ին մասի 21-րդ կետով, Հողային օրենսգրքի 50-րդ հոդվածի 3-րդ կետի, 1-ին ենթակետով, հաշվի առնելով <<ԶՊՄԿ>> ՓԲ ընկերության գրությունը և Հայաստանի Հանրապետության Սյունիքի մարզի Քաջարան համայնքի ղեկավարի առաջարկությունը, Հայաստանի Հանրապետության Սյունիքի մարզի Քաջարան համայնքի ավագանին որոշում է՝

1․ Համաձայնություն տալ Քաջարան համայնքի վարչական տարածքում, համայնքի սեփականություն հանդիսացող ներքոհիշյալ հողամասերը սահմանափակ օգտվելու իրավունքով /սերվիտուտ/ տրամադրելու՝

ա/ Քաջարան համայնք, քաղաք  Քաջարան, Գետափնյա փողոց 68 հասցեում գտնվող բնակավայրերի նշանակության հասարակական կառուցապատման 2,50818 հա հողամասից 2 /երկու/ տարի ժամկետով «ԶՊՄԿ» ՓԲ ընկերությանը տրամադրել սահմանափակ օգտվելու իրավունքով (սերվիտուտ)՝ հողամասով անցնելու և երթևեկելու նպատակով, սահմանելով տարեկան 15312500 /տասնհինգ միլիոն երեք հարյուր տասներկու հազար հինգ հարյուր/ ՀՀ դրամ վարձավճար։

բ/ Քաջարան համայնք, քաղաք  Քաջարան, Գետափնյա փողոց 66 հասցեում գտնվող բնակավայրերի նշանակության հասարակական կառուցապատման 0,30881 հա հողամասից 2 /երկու/ տարի ժամկետով «ԶՊՄԿ» ՓԲ ընկերությանը տրամադրել սահմանափակ օգտվելու իրավունքով (սերվիտուտ)՝ հողամասով անցնելու և երթևեկելու նպատակով, սահմանելով տարեկան 1885300 /մեկ միլիոն ութ հարյուր ութսունհինգ հազար երեք հարյուր/ ՀՀ դրամ վարձավճար։

2․Վարձավճարը ենթակա է վճարման մինչև յուրաքանչյուր հաշվետու տարվան հաջորդող ամսվա տասնհինգերորդ օրը: Սահմանված ժամկետում վճարումներ չկատարելու դեպքում կետանցի յուրաքանչյուր օրվա համար սահմանել տույժ՝ ամսական վճարի գումարի 0.05 տոկոսի չափով: 

3․Համայնքի ղեկավարին՝ ձեռնարկել սույն որոշումից բխող գործառույթների իրականացումն: