Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 29-րդ կետով, Հայաստանի Հանրապետության հողային օրենսգրքի 3-րդ հոդվածի 1-ին կետով, համաձայն Հայաստանի Հանրապետության կառավարության 2011 թվականի դեկտեմբերի 29-ի թիվ 1920-Ն որոշման, հիմք ընդունելով Հայաստանի Հանրապետության Քաջարան համայնքի ավագանու 2021 թվականի ապրիլի 27-ի N14-Ա որոշումը և հաշվի առնելով Հայաստանի Հանրապետության Սյունիքի մարզի Քաջարան համայնքի ղեկավարի առաջարկությունը, Հայաստանի Հանրապետության Սյունիքի մարզի Քաջարան համայնքի ավագանին որոշում է․

1․ Սյունիք-5 միկրոռեգիոնալ մակարդակի տարածական պլանավորման փաստաթղթերում ներառված Ներքին Գիրաթաղ բնակավայրի համակցված փաստաթղթերում`համաձայն հավելվածի համայնքային սեփականություն հանդիսացող գյուղատնտեսական նշանակության այլ հողամասերը փոխադրել բնակավայրերի նշանակության հողերի կատեգորիա՝ «խառը կառուցապատման» գործառնական նշանակությամբ՝

ա/ (09-038-0226-0001 կադաստրային ծածկագրից) 66,26 հեկտար գյուղատնտեսական նշանակության այլ հողերից (հատված ԳԲ-3),

բ/ (09-038-0226-0092 կադաստրային ծածկագրից) 13,34 հեկտար գյուղատնտեսական նշանակության այլ հողերից (հատված ԳԲ-4)։

2․ Համայնքի ղեկավարին՝ ձեռնարկել սույն որոշումից բխող գործառույթների իրականացումն: