Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 21)-րդ կետով, 80-րդ հոդվածի 2-րդ մասով,  համաձայն Հայաստանի Հանրապետության Հողային օրենսգրքի 67-րդ հոդվածի, ՀՀ կառավարության 2001 թվականի ապրիլի 12-ի թիվ 286-Ն որոշման կարգի 5-րդ մասի դրույթների և  հաշվի առնելով «Կալգարի» ՍՊԸ կողմից տրված գնահատության հաշվետությունը, Հայաստանի Հանրապետության  Սյունիքի մարզի Քաջարան  համայնքի ղեկավարի  առաջարկությունը, Հայաստանի Հանրապետության  Սյունիքի մարզի  Քաջարան համայնքի  ավագանին որոշում է.

1. Համաձայնություն տալ համայնքի ղեկավարի առաջարկությանը և ՀՀ Սյունիքի մարզի Քաջարան համայնքի գյուղ Գեղի 2-րդ փ․ 2/1 հասցեում գտնվող Քաջարան համայնքի սեփականություն հանդիսացող 0,0692 հա արդյունաբերության, ընդերքօգտագործման և այլ արտադրական նշանակության օբյեկտների «գյուղատնտեսական արտադրական» գործառնական նշանակությամբ հողամասը՝ ձկնաբուծական արհեստական լճակներ կառուցելու նպատակով, մեկնարկային գին սահմանելով  1 070 000 /մեկ միլիոն յոթանասուն հազար/ ՀՀ դրամ։

2․Սույն որոշման 1-ին կետով սահմանված հողամասերի օտարման պայմանագրում ամրագրել Քաջարան համայնքի՝ նշված հողամասերի առաջնային հետգնման իրավունքը և ծրագրի իրականացման ժամկետ սահմանել 2 /երկու/ տարի: 

3․Սույն որոշումից բխող գործառույթներն իրականացնել օրենսդրությամբ սահմանված կարգով։