Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 21-րդ կետով, ՀՀ հողային օրենսգրքի 481 հոդվածով, Հայաստանի Հանրապետության կառավարության 2001 թվականի ապրիլի 12-ի թիվ 286 որոշմամբ հաստատված կարգի 46․2 կետի թ) ենթակետով, հիմք ընդունելով ՀՀ էներգետիկայի և բնական պաշարների նախարարության կողմից 2012 թվականի նոյեմբերի 27-ին տրված ՇԱԹՎ-29/232 (նախկին 14/179) օգտակար հանածոյի արդյունահանման թույլտվությունը, թիվ ԼՎ-232 լեռնահատկացման ակտը և ՀՀ էներգետիկայի և բնական պաշարների նախարարի 2016 թվականի դեկտեմբերի 29-ի ընդերքի տեղամասի ընդլայնման և թույլտվության ժամկետի երկարաձգման մասին թիվ 134-Ա հրամանը և ՀՀ Սյունիքի մարզի Քաջարան համայնքի 11 հուլիսի 2025 թվականի N68-Ա որոշումը․
ՈՐՈՇՈՒՄ ԵՄ
1.ՀՀ Սյունիքի մարզի Քաջարան համայնքի Քաջարան քաղաքի Ողջի 1 հասցեում գտնվող պետական սեփականություն հանդիսացող արդյունաբերության, ընդերքօգտագործման և այլ արտադրական նշանակության «ընդերքի օգտագործման համար տրամադրված» գործառնական նշանակությամբ 126,6 հա հողամասը ընդերքօգտագործման նպատակով առանց մրցույթի կառուցապատման իրավունքով տրամադրել «Զանգեզուրի պղնձամոլիբդենային կոմբինատ» ՓԲ ընկերությանը, սահմանելով 86 480 460 /ութսունվեց միլիոն չորս հարյուր ութսուն հազար չորս հարյուր վաթսուն/ ՀՀ դրամ տարեկան վճար:
2.Պայմանագրից ծագող իրավունքներն ու պարտականությունները տարածվում են կողմերի վրա սկսած 2025 թվականի հունիսի 01-ից մինչև 2041 թվականի մայիսի 30-ը ներառյալ։
3.Վարձավճարը ենթակա է վճարման յուրաքանչյուր հաշվետու տարվա պայմանագրի կնքման օրվանից սկսած մինչև տասնհինգերորդ օրը: Սահմանված ժամկետում վճարումներ չկատարելու դեպքում կետանցի յուրաքանչյուր օրվա համար սահմանել տույժ՝ տարեկան վճարի գումարի 0.05 տոկոսի չափով:
4. Սույն որոշումից բխող գործառույթներն իրականացնել օրենսդրությամբ սահմանված կարգով: