Ղեկավարվելով «Տեղական ինքնակառավարման մասին» Հայաստանի Հանրապետության օրենքի 35-րդ հոդվածի 1-ին մասի 24-րդ կետով, 42-րդ հոդվածի 1-ին մասի 15-րդ կետով, հիմք ընդունելով ծառերի զննման հանձնաժողովի 04.11.2026թ տեղազննության ակտը, ինչպես նաև բնակչության անվտանգության ապահովման և համայնքի կանաչ գոտիների խնամքի անհրաժեշտությունը.

ՈՐՈՇՈՒՄ ԵՄ․

1. Թույլատրել իրականացնել Քաջարան համայնքի Քաջարան քաղաքի Խանջյան, Լեռնագործներ, Աբովյան փողոցներում գտնվող՝ զննման ակտով սահմանված 20 հատ բարդի ծառերի վթարային էտման և մեկ վնասված տանձենի ծառի հատման աշխատանքները:

2. Աշխատանքների կազմակերպումը և իրականացումը հանձնարարել ,, Քաջարան համայնքի կոմունալ տնտեսությունՙՙ ՓԲԸ-ին:

3. Հանձնարարել աշխատանքներն իրականացնող պատասխանատու անձանց՝

3.1 աշխատանքներն իրականացնել բնապահպանական նորմերին և անվտանգության տեխնիկայի կանոններին համապատասխան:

3.2 ապահովել առաջացած ճյուղերի և աղբի անհապաղ մաքրումն ու հեռացումը տարածքից:

3.3 ծառերի էտումից և հատումից առաջացած պիտանի փայտանյութը մուտքագրել համայնքի հաշվեկշիռ:

4. Սույն որոշման կատարման կազմակերպումն ու պատասխանատվությունը դնել համայնքի ղեկավարի առաջին տեղակալ Զ. Առաքելյանի վրա:

5. Սույն որոշումն ուժի մեջ է մտնում պաշտոնական հրապարակմանը հաջորդող օրվանից: