Ղեկավարվելով «Տեղական ինքնակառավարման մասին» Հայաստանի Հանրապետության օրենքի 90-րդ հոդվածի 2-րդ մասով, առնելով «Քաջարան համայնքի կոմունալ տնտեսություն» ՓԲԸ-ի 12.09.2022 թվականի 89 գրությունը և Քաջարան համայնքի բնակչուհի՝ Նաիրա Եսայանի 17.10.2022 թվականի համայնքի ղեկավարին ուղղված դիմումն, համայնքի ավագանին որոշում է՝.

Հայաստանի Հանրապետության Սյունիքի մարզի Քաջարան համայնքի բյուջեի պահուստային ֆոնդից կատարել հատկացում՝

1.     «Քաջարան համայնքի կոմունալ տնտեսություն» ՓԲԸ-ին - 1 584 640 (մեկ միլիոն հինգ հարյուր ութսունչորս հազար վեց հարյուր քառասուն) ՀՀ դրամ- Քաջարան համայնքի խմելաջրի մաքրման կայանի քլորակայանի անխափան աշխատանքի կազմակերպման համար ձեռք բերված վակուում կարգավորիչի համար:

2.    Քաջարան համայնքի սոցիալապես անապահով, բազմաշունչ ընտանիք ունեցող բնակչուհի՝ Նաիրա Գավրուշայի Եսայանին – 1 000 000 (մեկ միլիոն) ՀՀ դրամ բնակարան ձեռք բերելու համար։

3.    Սույն որոշումն ուժի մեջ է մտնում  պաշտոնական հրապարակմանը հաջորդող օրվանից: