Որոշման կարգավորման առարկան

Ա/Ձ Հակոբ Թոսունյանը՝ 28/06/2024թ  Քաջարան համայնքի աշխատակազմի՝  տեղական ինքնակառավարման մարմինների կողմից առևտրի, հանրային սննդի  և կենցաղային ծառայությունների ոլորտում իրականացված հսկողության արդյունքների վերաբերյալ թիվ 3 արձանագրության համաձայն 13 /տասերեք/ անուն պարենային և տնտեսական ապրանքներ եղել են պիտանիության ժամկետներն անցած։  ‹‹Վարչարարության հիմունքների և վարչական վարույթի մասին›› ՀՀ օրենքի նորմերին համապատասխան հարուցված և հետագայում իրականացված վարչական վարույթի  ընթացքում՝ վարչական  գործի փաստական հանգամանքների բազմակողմանի, լրիվ և օբյեկտիվ  քննարկման  արդյունքում պարզվեց հետևյալը.

Վարչական ակտ ընդունելու համար հիմք հանդիսացող փաստական հանգամանքները

Համաձայն վերոհիշյալ արձանագրության Ա/Ձ Հակոբ Թոսունյանը Քաջարան համայնքի Աբովյան 3Ա/ 3/1 հասցեում գտնվող պարենային խանութում իրացման նպատակով  վաճառքի համար նախատեսված վայրում տեղադրել է պիտանիության ժամկետն անցած 13 /տասերեք/ անուն պարենային և կենցաղային ապրանքներ․  սույն արձանագրությունը  առձեռն ուղարկվել է վերջինիս, փաստորեն կատարվել է արարք, որը համընկնում է ՀՀ Վարչական իրավախախտումների վերաբերյալ ՀՀ օրենսգրքի 158-րդ հոդվածի 1-ին մասի պահանջներին։

        Վարչական ակտ ընդունելու իրավական հիմնավորումները

Տեղական ինքնակառավարման մարմինները քննում են սույն օրենսգրքի 43.1-րդ հոդվածի 3-րդ, 4-րդ, 5-րդ և 6-րդ մասերով, 48-րդ հոդվածով` իրենց տնօրինության տակ գտնվող հողերի մասով, 113-րդ, 124.7-րդ հոդվածով, 152.1-րդ հոդվածի 1-ին, 2-րդ, 3-րդ մասերով, 152.2-րդ հոդվածի 1-ին մասով, 156-րդ, 157-րդ հոդվածի 2-րդ մասով, 157.15-րդ, 158-րդ (բացառությամբ 2-րդ, 3-րդ, 12-րդ, 17-րդ, 19-րդ, 21-րդ, 23-րդ, 26-րդ և 27-րդ մասերի), 162-րդ, 169.16-րդ, 169.14-րդ հոդվածի 4-րդ մասով, 189.11-րդ և 189.12-րդ հոդվածներով նախատեսված վարչական իրավախախտումների վերաբերյալ գործերը․․․

Նույն օրենսգրքի 158-րդ  հոդվածի 1-ին   մասի համաձայն․ Առանց պիտանիության ժամկետի, պիտանիության ժամկետն անցած, ոչ ընթեռնելի պիտանիության ժամկետով, պիտանիության ժամկետի կրկնակի մակնշմամբ, արտադրողի կողմից նշված բնօրինակ պիտանիության ժամկետը ջնջված և նոր ժամկետի նշումով, հայերեն մակնշումը արտադրողի կողմից նշված բնօրինակ պիտանիության ժամկետի վրա փակցված ապրանքներ իրացնելը`

առաջացնում է տուգանքի նշանակում պաշտոնատար անձի նկատմամբ` սահմանված նվազագույն աշխատավարձի հարյուրապատիկից մինչև երկուհարյուրապատիկի չափով:

<<Տեղական ինքնակառավարման մասին>> ՀՀ օրենքի 35 հոդվածի 1ին մասի 24-րդ և 26-րդ կետերի համաձայն՝ համայնքի ղեկավարը օրենքով սահմանված կարգով իր իրավասության շրջանակում ընդունում է  որոշումներ, կարգադրություններ, օրենքով նախատեսված դեպքերում և կարգով անձանց ենթարկում է վարչական պատասխանատվության:

 Նկատի ունենալով, որ Ա/Ձ Հակոբ Թոսունյանը կատարել է արարք, որը  նախատեսում է վարչական պատասխանատվություն և պետք է ենթարկվի վարչական տույժի ՀՀ Վարչական իրավախախտումների վերաբերյալ 158 հոդվածի 1-ին մասի համաձայն:

 Վերոգրյալների հիման վրա և ղեկավարվելով ՀՀ Վարչական իրավախախտումների վերաբերյալ օրենսգրքի 32,33 37, 154 219¹, 281, 282 հոդվածներով և <<Վարչարարության հիմունքների և վարչական վարույթի մասին›› ՀՀ օրենքի 53-րդ, 58-60-րդ հոդվածներով

Ո Ր Ո Շ Ե Ց Ի

1. Վարչական վարույթի մասնակից Ա/Ձ Հակոբ Թոսունյանին ենթարկել վարչական պատասխանատվության և  կիրառել վարչական տույժ՝ նշանակել տուգանք՝  100 000 /մեկ հարյուր հազար/  ՀՀ դրամի չափով:

2.Սույն որոշումը կարող է վարչական կարգով բողոքարկվել համայնքի ղեկավարին՝ դրա ուժի մեջ մտնելու օրվանից երկու ամսվա ընթացքում կամ դատական կարգով՝ Հայաստանի Հանրապետության վարչական դատարան՝ երկամսյա ժամկետում:

3.Սույն որոշման պահանջները չկատարելու դեպքում, ‹‹Վարչարարության հիմունքների և վարչական վարույթի մասին›› ՀՀ օրենքի 88 հոդվածով սահմանված կարգով այն ենթակա է հարկադիր կատարման՝ ՀՀ ԱՆ ՀԿԱԾ ծառայության միջոցով: