Հիմք ընդունելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 42-րդ կետի դրույթները, ինչպես նաև հաշվի առնելով «Դեպի առաջ» բարեգործական հասարակական կազմակերպության 18/06/2026թ օֆերտա-գրությունը՝ համայնքի վարչական տարածքում համայնքային հողամասում բնակելի տների կառուցման վերաբերյալ, Հայաստանի Հանրապետության Սյունիքի մարզի Քաջարան համայնքի ղեկավարի առաջարկությունը, Հայաստանի Հանրապետության Սյունիքի մարզի Քաջարան համայնքի ավագանին որոշում է.
- Հավանություն տալ «Դեպի առաջ» բարեգործական հասարակական կազմակերպության առաջարկությանը՝ համայնքի վարչական տարածքում, համայնքային հողամասում կազմակերպության միջոցներով թվով 10 (տասը) բնակելի տուն կառուցելու նախաձեռնությանը։
- Նշված նախաձեռնության շրջանակներում կառուցվող բնակելի տների շահառու նախատեսել Արցախից բռնի տեղահանված և Քաջարան համայնքում հաշվառված խիստ կարիքավոր ընտանիքներին, դրա ամրագրումն իրականացնել փոխըմբռման հուշագրի տեսքով։
- Համայնքի ղեկավարին հանձնարարել Հայաստանի Հանրապետության օրենսդրության սահմանված կարգով կազմակերպել հուշագրի կնքման համար անհրաժեշտ հետագա գործընթացները։
- Սույն որոշումն ուժի մեջ է մտնում պաշտոնական հրապարակմանը հաջորդող օրվանից։
|