Ղեկավարվելով Հայաստանի Հանրապետության «Տեղական ինքնակառավարման մասին» օրենքի 35-րդ հոդվածի 1-ին մասի 24-րդ կետով, «Համայնքային ծառայության մասին» օրենքի 10-րդ հոդվածի 3-րդ մասով, «Նորմատիվ իրավական ակտերի մասին» օրենքի 33-րդ հոդվածի 3-րդ մասով և հաշվի առնելով աշխատակազմի եկամուտների հավաքագրման և քաղաքացիների սպասարկման կազմակերպման բաժնի պետի ժամանակավոր պաշտոնակատար Ռոբերտ Սարգսյանի զեկուցագիրը՝ՈՐՈՇՈՒՄ ԵՄ
1.Հայաստանի Հանրապետության Սյունիքի մարզի Քաջարան համայնքի ղեկավարի 2020թվականի մարտի 23-ի N 186-Ա որոշման 6-րդ հավելվածով հաստատված՝ աշխատակազմի եկամուտների հավաքագրման և քաղաքացիների սպասարկման կազմակերպման բաժնի գլխավոր մասնագետի համայնքային ծառայության՝ 2․3-9 ծածկագրով պաշտոնի անձնագրում կատարել հետևյալ լրացումները՝
1․«Իրավունքներ և պարտականություններ» մասում ավելացնել նոր՝ «խ», «խա», «խբ», «խգ», «խդ», «խե», ենթակետերը՝ հետևյալ բովանդակությամբ․
խ/կատարում է համայնքի խնամակալության և հոգաբարձության մշտական հանձնաժողովի քարտուղարի աշխատանքները.
խա/ մասնակցում է համայնքի խնամակալության և հոգաբարձության մարմնին Հայաստանի Հանրապետության օրենսդրությամբ վերապահված գործառույթների իրականացման աշխատանքներին.
խբ/ կատարում է խնամակալության և հոգաբարձության մարմնի հանձնարարությունները.
խգ/ խնամակալության և հոգաբարձության մարմնի հանձնարարությամբ մասնակցում է սոցիալական աջակցություն ստանալու համար դիմած անձանց (ընտանիքների) սոցիալական և նյութական պայմանների ուսումնասիրման աշխատանքներին՝ անհրաժեշտության դեպքում կատարում տնային այցելություններ.
խդ/ խնամակալության և հոգաբարձության մարմնի հանձնարարությամբ միջոցներ է ձեռնարկում սոցիալական աջակցության կարիք ունեցող անձանց և ընտանիքներին, ԱԾԽ մնացած երեխաներին հայտնաբերելու ուղղությամբ ու աջակցում նրանց սոցիալական աջակցության տարածքային մարմին դիմելու հարցում.
խե/ մասնակցում է համայնքում սոցիալական աջակցություն ստացողի անհատական սոցիալական ծրագրի մշակման և իրականացման աշխատանքներին.
2.Աշխատակազմի քարտուղարին՝
2․1․ ՀՀ օրենսդրությամբ սահմանված կարգով ապահովել սույն որոշումից բխող գործառույթների պատշաճ իրականացումը:
3. Սույնորոշումնուժիմեջէմտնումստորագրման պահից։