Քաջարանում նշեցին Ուսուցչի տոնն ու Գրադարանավարի օրը: Այս առիթով համայնքապետարանում կազմակերպվել էր հյուրասիրություն: Հրավիրվել էին համայնքի բոլոր դպրոցների տնօրենները, ուսուցիչներ, Քաջարանի գրադարանային միավորման աշխատակիցները: Հրավիրյալները մասնագիտական տոնի կապակցությամբ համայնքի ղեկավարի կողմից արժանացան պարգևների՝ դրամական խրախուսանք և շնորհակալագրեր: Գրադարանավարի օրվա առթիվ պարգևատրվեց <<Քաջարանի համայնքապետարանի գրադարանային միավորում>> ՀՈԱԿ-ի ողջ կոլեկտիվը:

Գեղիի միջնակարգ դպրոցը շնորհակալագիր հանձնեց համայնքի ղեկավար Մանվել Փարամազյանին՝ դպրոցի նկատմամբ ունեցած առանձնահատուկ վերաբերմունքի և մշտական աջակցության համար: Առիթը համայնքի ղեկավարի նվերն էր դպրոցին: Երեխաներին տաք սննդով ապահովելու նպատակով վերջերս վերանորոգվել է դպրոցի ճաշարանը, իսկ պարոն Փարամազյանն իր կողմից կահույք, սպասք և խոհանոցային պարագաներ հատկացրեց ճաշարանին: Մանկավարժական, աշակերտական և ծնողական հանրույթը բարձր է գնահատում համայնքի ղեկավարի հոգատար վերաբերմունքը դպրոցի նկատմամբ: