«Սոսե Կանանց Հիմնահարցեր» ՀԿ-ն, ՀՀ աշխատանքի և սոցիալական հարցերի նախարարության հետ համատեղ, 2020 թ-ից իրականացնում է «Ընտանիքում բռնության ենթարկված անձանց ծառայություններ» ծրագիրը Սյունիքի մարզում։ Ծրագրի շրջանակներում անվճար տրամադրվում են հետևյալ ծառայությունները՝

• Իրավաբանական

• Հոգեբանական

• Սոցիալական

Կազմակերպությունում գործում է հետևյալ թեժ գծի համարը՝   (098) 84 84 53

         Կազմակերպությունը համագործակցում է պետական մի շարք կառույցների (ոստիկանություն, մարզպետարան, միասնական սոցիալական ծառայություն, խնամակալության մարմիններ, տարածքային մանկավարժահոգեբանական կենտրոններ, կրթական, առողջապահական  հաստատություններ),   տեղական և միջազգային հասարակական կազմակերպությունների հետ։

Կազմակերպությունն իր գործունեությունը սկսել է 2003թ-ից։ Իրականացրել և իրականացնում է մի շարք ծրագրեր, որոնք նպաստում են կանանց և երիտասարդների քաղաքական ներգրավվմանն ու հզորացմանը՝ քաղաքական դպրոցներ, առաջնորդության ակումբներ, գենդերային անհավասարությանը և խտրականությանը վերաբերող ծրագրեր։ Կազմակերպությունը իրականացրել է նաև մի շարք սոցիալական ծրագրեր՝ տեղահանված արցախցիներին բազմաոլորտ, համապարփակ սոցիալական և մասնագիտական օգնություն։

Կազմակերպության առաջնային խնդիրներից է, որ մեր հասարակությունում կանայք և տղամարդիկ ունենան հավասար հնարավորություններ ու պարտականություններ, զերծ լինեն տարատեսակ բռնություններից, իրազեկված և տեղեկացված լինեն, կարողանան ապրել արժանապատիվ և բարեկեցիկ կյանքով։

Հարգանքով՝ Սոսե ԿՀ ՀԿ Թիմ

Իրավախորհրդատու՝ Հրայր Խաչատրյան 094 50 20 86

Հարցերի դեպքում կարող եք դիմել նաև՝

Հեռ 093 86 03 74

Էլ.փոստ՝ info@sose-ngo.am

Կայք՝ https://sose.am/contact/

Ֆեյսբուկ https://www.facebook.com/SoseWomensIssues/