ՄԱԿ-ի Զարգացման ծրագիրը ՀՀ Տարածքային կառավարման և ենթակառուցվածքների նախարարության հետ համագործակցությամբ, Շվեյցարիայի զարգացման և համագործակցության գրասենյակի ֆինանսավորմամբ 2021 թվականի հոկտեմբերի 3-5-ը կազմակերպում է #DEMOCoDesign Lab սոցիալական նորարարության միջոցառումը։ 

Լաբը իրականցվում է ՄԱԶԾ «Կանայք և երիտասարդները նորարար տեղական զարգացման գործընթացներում» ծրագրի շրջանակներում և նպատակ ունի մշակել նախագծեր, որոնք կառնչվեն ՏԻՄ-երի լիազորությունների շրջանում մատուցվող համայնքային ծառայությունների կառավարմանը, որակի բարելավմանը,  վերապրոֆիլավորմանը և հնարավոր նոր ինքնածախսածածկվող (ծառայության դիմաց ստացվող վճարները ամբողջությամբ ծածկում են ծառայության մատուցման ծախսերը) ծառայությունների նախագծմանը, ինչպես նաև՝ արտակարգ իրավիճակներում համայնքային ծառայությունների վերափոխմանը կամ նոր ծառայությունների ներդրմանը։

Եռօրյա #DEMOCoDesign Lab-ի ընթացքում մրցույթով ընտրված 6 թիմեր կներկայացնեն իրենց նախնական գաղափարները և փորձագետների օգնությամբ կմշակեն և կդարձնեն նորարարական նախագծեր: Հաղթող նախագծերը կստանան մինչև 4000 ԱՄՆ դոլար ֆինանսական աջակցություն` նախագծերը կյանքի կոչելու և իրականացնելու համար: 

Մանրամասներին և թեմատիկ ուղղություններին կարող եք ծանոթանալ հետևյալ հղումով՝  https://cutt.ly/UW20rMC

 Ծրագրային գաղափարներ կարող են ներկայացնել ՀՀ 52 բազմաբնակավայր (խոշորացված) համայնքները ներկայացնող թիմերը։

 #DEMOCoDesign Lab-ին մասնակցելու համար թիմերը պետք է բաղկացած լինեն նվազագույնը 5  անդամներից, որոնցից առնվազն մեկը պետք է լինի տեղական ինքնակառավարման մարմինների աշխատանքում ներգրավված անձ (աշխատակազմի ներկայացուցիչ, ավագանու անդամ),  մասնակից ով՝  կունենա ծրագրերի նախագծման ու իրականացման փորձառություն,  ինչպես նաև նորարար գաղափարների հեղինակ և/կամ իրականացնող, և/կամ փորձառություն ունեցող անդամ։

 Հետաքրքրված թիմերը՝ մինչև 2021թ․ սեպտեմբերի 20-ը, կարող են ուղարկել իրենց նախնական գաղափարները հետևյալ հղումով` https://cutt.ly/dW1YAnr :

 Հարգանքով՝ 

 ՄԱԶԾ «Կանայք և երիտասարդները նորարար տեղական զարգացման գործընթացներում» ծրագրի  թիմ