| Նպատակ | Քաջարան համայնքի 2024թ. տարեկան աշխատանքային պլանը (ՏԱՊ-ը) նպատակ ունի արդյունավետ պլանավորման միջոցով բարելավել համայնքում կայացվող որոշումների որակը: Հիմք ունենալով համայնքի հնգամյա զարգացման ծրագիրը՝ ՏԱՊ-ը ուղղված է հստակեցնելու տարեկան կտրվածքով համայնքի զարգացմանն ուղղված ծրագրերը և միջոցառումները, դրանց իրականացման համար ներդրվող ռեսուրսներն ու ժամկետները: Որպես համայնքի տարեկան ծրագրային փաստաթուղթ, այն նպատակ ունի ներգրավել համայնքի ներքին և արտաքին ներդրողների հնարավորությունները՝ համայնքային խնդիրներն առավել արդյունավետ լուծելու գործում:
ՏԱՊ-ում արտացոլված են սահմանված միջոցառումների կապը ԿԶՆ-երի, դրանց թիրախների ու ցուցանիշների հետ: Հաշվի առնելով, որ ՄԱԿ-ի ԿԶՆ – երը վերաբերում են հասարակական կյանքի բազմաթիվ ոլորտների, ԿԶՆ թիրախների և ցուցանիշների համակարգը կարող է օգտագործվել՝որպես միջազգայնորեն ընդունված արդյունավետ գործիքակազմ՝ համայնքի զարգացման ծրագրերը ավելի նպատակային և չափելի դարձնելու, ինչպես նաև դրանց ազդեցությունը բազմակողմանիորեն գնահատելու համար։ Դա իր հերթին կարող է օգնել համայնքապետարանին ստանալու նոր գործընկերների և ֆինանսական միջոցների ներգրավման ավելի լայն հնարավորություններ։ |