Քաջարան համայնքի բնակչությանը, պետական, մասնավոր, հասարակական կազմակերպություններին, տնտեսվարող սուբյեկտներին
Սույն թվականի մարտի 23-ին հանրապետության ողջ տարածքում կիրականացվի համապետական շաբաթօրյակ: Կոչ ենք անում բոլորին ակտիվ մասնակցություն ունենալ շաբաթօրյակին: Գիտակցենք շրջակա միջավայրի մաքրության ու սանիտարահիգիենիկ պայմանների կարևորությունը մեր առօրյա կյանքում և առաջնորդվենք <<Մաքուր տուն՝ տնից դուրս>> սկզբունքով: Կրենք պատասխանատվություն և շահագրգիռ լինենք մեր համայնքի մաքրության համար նույնքան, որքան մեր բնակարանների ու անձնական տարածքների մաքրության համար ենք պատասխանատու և շահագրգիռ: Քաջարանի համայնքապետարանն արդեն սկսել է շաբաթօրյակի նախապատրաստական և կազմակերպական աշխատանքները: Շաբաթօրյակի կազմակերպման և վերահսկման նպատակով համայնքապետարանում կգործի թեժ գիծ, հեռախոսահամարը՝ 3 2181:
Անհատներն ու կազմակերպությունները կարող են իրենց մասնակցությունն արտացոլող նկարները և տեղեկություններն ուղարկել Քաջարանի համայնքապետարանի ֆեյսբուքյան էջին: Ակնկալում ենք ակտիվ մասնակցություն և համագործակցություն: