Ղեկավարվելով «Տեղական ինքնակառավարման մասին» ՀՀ օրենքի 18-րդ հոդվածի 4-րդ կետով, հիմք ընդունելով ՀՀ կառավարության 31.01.2019թ. № 162-Ն որոշմամբ հաստատված «ՀՀ պետական տարեկան բյուջեներով նախատեսված սուբվենցիաներից բացի ՀՀ համայնքների տնտեսական և սոցիալական ենթակառուցվածքների զարգացմանն ուղղված սուբվենցիայի հայտերի մշակման, ներկայացման, դրանց քննարկման ու հաստատման» կարգի 12-րդ կետի երկրորդ մասի «ա» ենթակետը, համայնքի ավագանին որոշում է․- 1. Հաստատել պետական բյուջեից նպատակային հատկացումներ՝ սուբվենցիաներ ստանալու նպատակով համայնքապետարանի կողմից մշակված համայնքի սոցիալական զարգացմանն ուղղված՝ «Հասարակական շենքերի վերակառուցում/վերանորոգում», «Բակային սպորտի և մասսայական ֆիզկուլտուրային զարգացում», «Բնակավայրերի փողոցների հիմնանորոգում և բարեկարգում», «Բազմաբնակարան բազմահարկ շենքերի բարելավում և արդիականացում», « Համայնքի բնակավայրերում պուրակների և խաղահրապարակների վերակառուցում/կառուցում» ծրագրերը և 2019թ. պետական սուբվենցիայի հայտերը՝ համաձայն № 1, № 2, № 3, № 4, № 5 հավելվածների:
Պետական սուբվենցիայի հայտերը սահմանված կարգով ներկայացնել ՀՀ տարածքային կառավարման և զարգացման նախարարություն՝ գնահատման և պետական նպատակային հատկացումներ ստանալու նպատակով: |