ՔննելովՀՀՍյունիքիմարզի Քաջարանհամայնքի տարածքումԴավիթԼևոնիԳևորգյանիկողմիցկատարվածվարչականիրավախախտմանվերաբերյալՔաջարանի համայնքապետարանիաշխատակազմի կողմից2022 թվականիհունիսի 28-ին ներկայացված նյութերը,
պարզեցի`
Վարչական իրավախախտում կատարած Դավիթ Գևորգյանը Սյունիքի մարզի Քաջարան համայնքի տարածքի Կավճուտ գյուղի 3-րդ թաղամաս 1-ին բնակելի տուն՝ սեփականության իրավունքով իրեն պատկանող հողատարածքի վրա/ սեփականության վկայական թիվ 12112012-09-0165/ ինքնակամ կառուցել է 509,6քմ ներքին մակերեսներով շինություններ՝ սանհանգույց, լողավազան, աստիճանահարթակ և պարիսպներ, այսինքն կատարել է արարք, որն առաջացնում է պատասխանատվություն վարչական իրավախախտումների վերաբերյալ ՀՀ օրենսգրքի 154-րդ հոդվածի 1-ին մասին: Հաշվի առնելով վերոգրյալը և ղեկավարվելով «Տեղական ինքնակառավարման մասին» ՀՀ օրենքի 35-րդ հոդվածով, վարչական իրավախախտումների վերաբերյալ ՀՀ օրենսգրքի 23-րդ, 32-րդ, 2191 պրիմ, 281-283-րդ հոդվածներով,
որոշում եմ ՝
1. ԴԱՎԻԹ ԼևՈՆԻ ԳևՈՐԳՅԱՆԻՆ վարչական իրավախախտումների վերաբերյալ ՀՀ օրենսգրքի 154-րդ հոդվածի 1-ին մասով նախատեսված խախտման համար ենթարկել վարչական պատասխանատվության, կիրառել վարչական տույժ` նշանակել տուգանք` 200.000 ( երկու հարյուր հազար) ՀՀ դրամի չափով:
2. ԴԱՎԻԹ ԼևՈՆԻ ԳևՈՐԳՅԱՆԻ կողմից տուգանքը պետք է վճարվի Քաջարանի համայնքապետարանի 900315202151 հաշվեհամարին սույն որոշումը նրան հանձնելու օրվանից ոչ ուշ, քան տասնհինգ օրվա ընթացքում:
3. Սույն որոշումն ուժի մեջ է մտնում վարչական ակտի հասցեատիրոջը ՀՀ օրենսդրությամբ սահմանված կարգով իրազեկելուն հաջորդող օրվանից։
5. Սույն որոշումը կարող է բողոքարկվել վարչական կարգով՝ այն ուժի մեջ մտնելուց հետո՝ երեսուն օրվա ընթացքում, իսկ դատական կարգով՝ երկամսյա ժամկետում։
6. Նշանակված տուգանքի վճարումը չկատարելու դեպքում՝ որոշումն օրենքով սահմանված կարգով անբողոքարկելի դառնալուց հետո կներկայացվի հարկադիր կատարման։