Ղեկավարվելով <<Տեղական ինքնակառավարման մասին>> ՀՀ օրենքի 35-րդ հոդվածի 1-ին մասի 16 կետով, 43-րդ հոդվածի 1-ին մասի 3 կետով, Քաղաքացիական օրենսգրքի 188-րդ հոդվածի 5-րդ մասով, համաձայն ՀՀ Կառավարության 18.05.2006թ. <<Ինքնակամ կառույցների օրինականացման և տնօրինման կարգը հաստատելու մասին>> թիվ 912-Ն, 2003թվականի ապրիլի 17-ի <<Բազմաբնակարան բնակելի շենքերի , բնակարանների , անհատական բնակելի տների, այգետնակների (ամառանոցների) և դրանց կից շինությունների, առանձին կանգնած հասարակական ու արտադրական նշանակության շինությունների, բազմաբնակարան բնակելի շենքերում տեղակայված հասարակական և արտադրական նշանակության շինությունների տեղադրության (տարածագնահատման գոտիականության) գործակիցները հաստատելու մասին>> թիվ 470-Ն որոշումները և հաշվի առնելով <<ՏԵԼԻԱ ՄԱՅՆԻՆԳ>> ՍՊԸ-ի լիազորված անձ Խաչատուր Ավետիսյանի դիմումը`
ՈՐՈՇՈՒՄ ԵՄ
1. Անշարժ գույքի նկատմամբ իրավունքների պետական գրանցման թիվ 26082016-09-0002 վկայականի համաձայն ՀՀ Սյունիքի մարզի Քաջարանի համայնք Գետիշեն գյուղ 3-րդ փողոց թիվ 48 հասցեում <<ՏԵԼԻԱ ՄԱՅՆԻՆԳ>> ՍՊԸ-ին սեփականության իրավունքով պատկանող էներգետիկայի, տրանսպորտի, կապի և կոմունալ ենթակառուցվածքների 0,23 հա էներգետիկայի հողամասում ինքնակամ կառուցված 730,2ք.մ. արտաքին /560,69 ք.մ. ներքին/ մակերեսով գլխամասային հանգույցը, որի պահպանումը չի խախտում այլ անձանց իրավունքները և օրենքով պահպանվող շահերը և վտանգ չի սպառնում քաղաքացիների կյանքին և առողջությանը, կառուցված չէ ինժեներատրանսպորտային օբյեկտների օտարման կամ անվտանգության գոտիներում, չի առաջացնում հարկադիր սերվիտուտ պահանջելու իրավունք, ճանաչել օրինական և գրանցել որպես <<ՏԵԼԻԱ ՄԱՅՆԻՆԳ>> ՍՊԸ-ի սեփականություն:
1.1. Նշված շինությունը, որպես սեփականություն ձեռք բերելու համար շինարարություն իրականացրած իրավաբանական անձ <<ՏԵԼԻԱ ՄԱՅՆԻՆԳ>> ՍՊ Ընկերությանըառաջարկել վճարելու համայնքային բյուջե գլխամասային հանգույցի օրինականացման համար հետևյալ վճարները՝ 730,2x0,035x15000=383355 (երեք հարյուր ութսուներեք հազար երեք հարյուր հիսունհինգ) ՀՀ դրամ:
2.Օրինականացման համար սահմանված վճարները 60-օրյա ժամկետում չվճարելու դեպքում որոշումը համարվում է ուժը կորցրած:
3. Սույն որոշումից ծագող իրավունքները ենթակա են գրանցման: