Քննելով ՀՀ Սյունիքի մարզի  Քաջարան համայնքում <<Տելիա-Մայնինգ>> ՍՊԸ-ի կողմից կատարված վարչական իրավախախտման վերաբերյալ Քաջարանի    համայնքապետարանի աշխատակազմի քաղաքաշինության, հողի վերահսկողության, կոմունալ տնտեսության  կողմից 2019 թվականի հոկտեմբերի 14-ին կազմված թիվ 21արձանագրությունն ու կից փաստաթղթերը

պարզեցի`

 Վարչական իրավախախտում կատարած <<Տելիա Մայնինգ>> ՍՊ ընկերությունն Քաջարան համայնքի Գետիշեն գյուղի 3-րդ փողոցի թիվ 48 հասցեում սեփականության իրավունքով իրեն պատկանող 0,23հա հողատարածքի վրա ինքնակամ կառուցել է 730,23քմ արտաքին մակերեսով գլխամասային հանգույց, այսինքն կատարել է արարք, որն առաջացնում է պատասխանատվություն նախատեսված  Վարչական իրավախախտումների վերաբերյալ ՀՀ օրենսգրքի 154 հոդվածի 1-ին մասի 2-րդ ենթակետով։  Հաշվի առնելով վերոգրյալը և ղեկավարվելով «Տեղական ինքնակառավարման մասին» ՀՀ օրենքի 35-րդ հոդվածով, վարչական իրավախախտումների վերաբերյալ ՀՀ օրենսգրքի 23-րդ, 32-րդ, 219¹ պրիմ, 281-283-րդ հոդվածներով,   

որոշում եմ ՝

1․<<Տելիա Մայնինգ>> ՍՊ ընկերությանը   վարչական իրավախախտումների վերաբերյալ ՀՀ օրենսգրքի 154 հոդվածի 1-ին մասի 2-րդ ենթակետով նախատեսված խախտման համար ենթարկել վարչական պատասխանատվության, կիրառել վարչական տույժ` նշանակել տուգանք  200000/երկու հարյուր հազար/ՀՀ դրամի չափով։

2․ <<Տելիա Մայնինգ>> ՍՊ ընկերության կողմից տուգանքը պետք է վճարվի Քաջարանի համայնքապետարանի 900315202151 հաշվեհամարին՝ սույն որոշումը նրան հանձնելու օրվանից ոչ ուշ, քան տասնհինգ օրվա ընթացքում: 
3.Սույն որոշման պահանջները չկատարելու դեպքում ՀՀ օրենսդրությամբ սահմանված կարգով այն ենթակա է հարկադիր կատարման՝ ՀՀ ԱՆ դատական  ակտերի հարկադիր կատարման ծառայության միջոցով:
4.Սույն որոշումը կարող է բողոքարկվել օրենքով սահմանված կարգով:
5.Սույն որոշման օրինակը սահմանված ժամկետում հանձնել <<Տելիա Մայնինգ>> ՍՊ ընկերությանը։